فلسطینی اسیر کی مدت قید میں تیسری مرتبہ اضافہ، الاحرار کی مذمت

پرزنرز سٹڈیز سنٹر ’’الاحرار‘‘ نے اسرائیلی فوج کی طرف سے فلسطینی سیاسی اسیر عامر عبداللطیف کی مدت حراست میں تیسری مرتبہ اضافہ کرنے کی مذمت کی ہے- پرزنرز سٹڈی سنٹر کے ڈائریکٹر فواد خفش کے مطابق عامر عبد اللطیف کو قابض اسرائیلی فوج 12 سے زائد مرتبہ گرفتار کرچکی ہے- آخری دفعہ انہیں 4 فروری 2009ء کو گرفتار کیا گیا اور وہ اب تک پس دیوار زندان ہے- فواد خفش کے مطابق عامر عبد اللطیف سات سال سے زائد اسرائیلی عقوبت خانوں میں قید و بند کی صعوبتیں برداشت کرچکے ہیں- وہ پانچ بچوں کے باپ ہیں- حالیہ دنوں میں وہ متعدد امراض کا شکار ہیں- ان کی کمر میں اس قدر شدید درد ہے کہ وہ چلنے کی طاقت نہیں رکھتے-