فلسطینی اسیران پر مختلف حیلوں بہانوں سے جرمانے

اسرائیلی جیل انتظامیہ فلسطینی اسیران پر مختلف حیلوں بہانوں سے جرمانے عائد کرتی ہے جس سے وہ پانی وبجلی کے بل ادا کرتی ہے – بعض اوقات جرمانہ 200اسرائیلی ڈالر مالیت تک پہنچ جاتا ہے- اسرائیلی حکام اسیران کو قرآن پاک کی تلاوت کرنے ، جیلر کے مزاج کے خلاف بات کرنے اور غسل کے لیے مقررہ وقت میں باتھ روم سے باہر نہ نکلنے کے بہانوں سے جرمانے عائد کرتی ہے – پرزنرز اسٹڈیز سنٹر کے ڈائریکٹر رافت محمود نے کہاہے کہ اسرائیلی جیل انتظامیہ اسیرکو بتائے بغیر اس کے اکاؤنٹ سے رقم کا ٹ لیتی ہے- بنک میں اکاؤنٹ نہ ہونے کی صورت میں اسیرکے ورثاء کو تنگ کیا جاتا ہے –