فلسطینی ارکان پارلیمنٹ کے خلاف عباس ملیشیا کی دست درازی پر حرکة الاحرار کی مذمت

فلسطینی تحریک حرکة الاحرار الفلسطینیہ نے عباس ملیشیا کی جانب سے فلسطینی ارکان پارلیمنٹ کے خلاف دست درازی اور ان کے ملازمین کو گرفتار کرنے کی مذمت کی ہے- حرکة الاحرار الفلسطینیہ کی طرف سے جاری بیان میں ارکان پارلیمنٹ کی حمایت کا اعلان کیا گیا- بیان کے مطابق ارکان پارلیمنٹ نے اسرائیلی جارحیت اور عباس ملیشیا کی طرف سے لاحق خطرات کے باوجود جو قائدانہ کردار کیا ہے وہ قابل قدر ہے- غزہ میں اسرائیل نے ان کے دفاتر کو تباہ کردیا لیکن انہوں نے اپنا کردار جاری رکھا-