غزہ میں حماس کی ’’رابطہ و محبت‘‘مہم

غزہ میں اسلامی تحریک مزاحمت (حماس) کے رہنماؤں نے ’’رابطہ و محبت‘‘ مہم کے دوران تیس دنوں میں ایک لاکھ تیس ہزار ایک سو گیارہ گھروں کا دورہ کیا اور انہیں مٹھائی کے ڈبے بطور تحفہ پیش کئے- ’’رابطہ ومحبت‘‘مہم کے دوران دو لاکھ فلسطینیوں کے گھروں کا دورہ کیا جائے گا- فلسطینی عوام نے مہم کا پرجوش خیرمقدم کیا ہے – رابطہ و محبت مہم کے انتظامی امور کے رکن ایاد بزم نے واضح کیا کہ مہم کا مقصد فلسطینیوں میں محبت اور اجتماعی ہم آہنگی کا فروغ ہے – اس مہم کے دوران سیاسی وابستگی سے بالا تر ہو کر شہریوں کے گھروں میں جایا جائے گااور انہیں محبت کا پیغام دیا جائے گا- غزہ کے شہری صلاح صلاح غول نے ’’رابطہ و محبت ‘‘مہم پر خوشی کا اظہار کرتے ہوئے کہا کہ اس سے حماس اور عوام کے درمیان تمدنی رابطے کا پتہ چلتا ہے- انہوں نے کہا کہ انہوں نے حماس کے رہنماؤں کا استقبال بڑے پرتپاک انداز میں کیا – ایک خاتون ام محمد نے کہا کہ اس مہم نے ان کی پرانی یادیں تازہ کر دی ہیں –