غزہ میں جنگی تربیت کے دوران القسام کے دو ارکان شہید چار زخمی

غزہ کی پٹی کے مشرقی علاقے”الشجاعیہ” تربیتی مشقوں کے دوران القسام بریگیڈ کے دو ارکان شہید اور چار زخمی ہو گئے ہیں۔ اطلاعات کے مطابق یہ واقعہ منگل کی صبح نماز فجر کے بعد اس وقت پیش آیا جب حماس کے زیر انتظام عسکری ونگ القسام بریگیڈ کے اراکین ایک جنگی معرکے کی تیاری کر رہے تھے۔ شہید ہونے والوں کے نام محمد شعبان النواتی اور احمد محمد غنیہ بتائے جاتے ہیں، جبکہ چار زخمی ارکان کو فوری طور پر ہسپتال منتقل کیا گیا جہاں ان کی حالت خطرے سے باہر بتائی جاتی ہے۔ مرکز اطلاعات فلسطین کے ذرائع کے مطابق یہ حادثہ دھماکہ خیز مواد پھٹنے سے ہوا، جس کے باعث قریب ہی موجود القسام بریگیڈ کے دو مجاہدین شہید اور دیگر چار زخمی ہو گئے۔