غزہ سمندری حدود میں اسرائیلی فائرنگ سے فلسطینی مچھیرا شہید

کی سمندری حدود میں ایک فلسطینی مچھیرا اسرائیلی فوج کی فائرنگ سے شہید ہو گیا، ’’مرکز اطلاعات فلسطین‘‘ کے نمائندے کے مطابق ساحلی کیمپ کے قریب 20 سالہ منصور بکر مچھلیوں کا شکار کر رہا تھا کہ صہیونی فوج کی جارحیت کا شکار ہو گیا۔ غزہ کی پٹی میں میڈیکل سروسز کے میڈیا کوآرڈینیٹر ادھم ابوسلمیہ نے ذرائع ابلاغ کو بتایا کہ جمعہ کے روز علی الصبح ساحلی کیمپ کے رہائشی منصور بکر پر اس وقت اسرائیلی جنگی بوٹ سے فائرنگ کر دی گئی جب وہ معمول کے مطابق مچھلیوں کے شکار میں مصروف تھے۔ابوسلمیہ نے مزید بتایا کہ شہری بکر کے جسد خاکی کو کمال عدوان ہسپتال منتقل کر دیا گیا ہے۔