غاصب صہیونیوں کی جارحیت، 220 زیتون کے درخت اکھاڑ پھینکے گئے

مغربی کنارے کے ضلع نابلس میں غاصب یہودیوں نے ’’قصرہ‘‘ اور ’’دوما‘‘ نامی دیہاتوں پر حملہ کر کے فلسطینیوں کی زیر ملکیت زیتون کے 220 درختوں کو اکھاڑ پھینکا۔ آٹومیٹک اسلحہ سے لیس انتہاء پسندوں درختوں کو کاٹنے کے لیے الیکٹرک آروں کا استعمال کیا۔ کسانوں نے بتایا کہ بستی ’’یاش ادم‘‘ کے غاصب صہیونیوں نے علی الصبح حملہ کیا اور فلسطینیوں کی زیر ملکیت اراضی پر درختوں کا صفایا شروع کردیا اس دوران مزاحمت کرنے والے ہر فلسطینی کو بزور اسلحہ دھمکایا جاتا رہا۔ شہریوں نے بتایا کہ غاصب یہودیوں نے فلسطینوں کی اراضی پر قبضہ کے متعدد منصوبوں پر عمل شروع کر رکھا ہے۔ علاقے میں فلسطینیوں کی اراضی پر یہودی بستیاں تعمیر کی جارہی ہیں۔ ضلع نابلس کے جنوبی علاقوں میں روزانہ کی بنیاد پر فلسطینیوں کو اپنی زمینوں سے بے دخل کیا جا رہا ہے۔