عباس کی رعایتیں قابل مذمت ہیں: اردنی حق واپسی کمیٹی

اردن میں فلسطینی پناہ گزینوں کی حق واپسی کی کمیٹی نے کہا ہے کہ اردن میں موجود فلسطینیوں کی وطن واپسی پر مذاکرات کا کسی کو حق نہیں۔ فلسطینی اتھارٹی کے مذاکرات کاروں کی جانب سے فلسطینی حق واپسی سے دستبرداری انتہائی مذمت ہے جس پر کسی صورت عمل نہیں کیا جا سکتا۔ کمیٹی نے ’’الجزیرہ‘‘ ٹی وی چینل کو موصول ہونے والی خفیہ سفارتی دستاویز میں فلسطینی اتھارٹی کی جانب سے فلسطینی پناہ گزینوں کی حق واپسی سے دستبرداری کو انتہائی شرمناک قرار دیا۔ کمیٹی کے مطابق فلسطینی پناہ گزین اس طرح کے کسی مذاکرات کو تسلیم نہیں کریں گے۔ بیان میں کہا گیا کہ پناہ گزینوں کی واپسی کے ساتھ ساتھ ہم ان کو معاوضہ کی ادائیگی کا بھی مطالبہ کرتے ہیں، اسرائیل کو چاہیے کہ وہ سالہا سال سے تکالیف میں مبتلا ان پناہ گزینوں کی حق تلفی کا معاوضہ بھی ادا کرے۔ کمیٹی نے فلسطینیوں کی وطن واپسی سے انحراف پر مشتمل کسی بھی طرح کی بات چیت اور منصوبے کو شدت سے مسترد کیا اور کہا کہ فلسطینی عوام اسرائیل کے خلاف مزاحمت اور فلسطینیوں کے تمام قومی حقوق پر ثابت قدم رہیں گے۔