رہائی سے قبل تین فلسطینی قیدی اسرائیلی جیل میں تشدد کا شکار

مرکزاطلاعات فلسطین فاؤنڈیشن

مقبوضہ بیت المقدس کے شمال مغربی علاقے میں واقع ملٹری چیک پوسٹ پر تین فلسطینی اسیر قابض اسرائیل کی فوج کی جانب سے شدید تشدد کا نشانہ بننے کے بعد زخمی ہو گئے۔ انہیں اس وقت بدترین تشدد کا نشانہ بنایا گیا جب وہ جیل سے رہا کیے جا رہے تھے۔

ریڈ کراس نے بیان میں کہا کہ اس کے عملے نے ان تینوں اسیران کو فوری ابتدائی طبی امداد فراہم کی اور بعد میں مکمل علاج کے لیے انہیں رام اللہ ہسپتال منتقل کیا گیا۔

یہ واقعہ اسیران پر قابض فوج کی جانب سے مسلسل تشدد اور بدسلوکی کا تازہ ثبوت ہے، خاص طور پر ان واقعات کا سلسلہ جو مزاحمت اور قابض فوج کے درمیان ہونے والے حالیہ تبادلے کے معاہدوں کے دوران پیش آئے، جہاں متعدد اسیران کو سنگین سفاکی اور ظالمانہ سلوک کا سامنا کرنا پڑا۔