حماس کے وفد کی اسرائیلی جیل سے 22 سال کے بعد رہا ہونے والے فلسطینی سے ملاقات اور مبارک باد

اسلامی تحریک مزاحمت (حماس) کا وفد وسطی علاقے زوایدہ میں اسرائیلی قید سے 22سال کے بعد رہائی پانے والے فلسطینی اسیر ’’یونس یوسف حسین ‘‘ کے گھر گیا اور انہیں رہائی پر مبارک باد دی – وفد میں حماس کے علاقائی رہنما،زوایدیہ بلدیہ کے چیئرمین اور ڈپٹی چیئرمین شامل تھے – واضح رہے کہ یونس یوسف حسین کو اسرائیل کے خلاف عسکری کارروائی میں شرکت کرنے پر 31 دسمبر 1987ء کو اسرائیلی فوج نے اغوا کیا- ان کاتعلق فتح سے ہے – ملاقات کے موقع پر حماس کے تعلقات عامہ کے رہنما ایمن ابو سویرح نے کہاکہ حماس اسیران کے مسئلے کو اولین ترجیح دیتی ہے اور وہ ان کی رہائی کے لئے ہر ممکن کوشش کر رہی ہے- ایمن ابو سویرح نے فلسطینی اسیران کی ثابت قدمی کو سلام پیش کیا