حماس معاہدے پر عمل درآمد کی ضمانت چاہتی ہے: اسماعیل رضوان

اسلامی تحریک مزاحمت (حماس) نے فلسطینی مصالحت کو ضرورت قرار دیا ہے- حماس کے رہنما ڈاکٹر اسماعیل رضوان نے کہا ہے کہ حماس فلسطینی جماعتوں کے اختلافات کے لیے مصری کوششوں کی کامیابی چاہتی ہے- فلسطینی مصالحت حماس کا اسٹرٹیجک مؤقف ہے- البتہ اس بات کی بھی ضمانت ضروری ہے کہ فلسطینی صدر محمود عباس معاہدے پر عمل درآمد کریں گے- حماس کے رہنما نے عوامی ملاقات میں کہا کہ حماس ثالثی ملک سے ضمانت حاصل کرے گی کہ طے پانے والے معاہدوں پر عمل کیا جائے گا- اسماعیل رضوان نے مزید کہاکہ مصر نے معاہدہ کا جو مسودہ تیار کیا ہے اس میں ایسی باتیں شامل ہیں جس پر اتفاق نہیں کیا گیا جبکہ بعض ایسی باتوں کو نکال دیا گیاہے جس پر اتفاق ہوا تھا- مصر سے بات چیت کے دوران تمام معاملات کو زیر غور لایا جائے گا- حماس کی تجاویز سے مصالحت کا راستہ صاف ہوگا-