بیروت – (مرکزاطلاعات فلسطین فاؤنڈیشن) اتوار کی شام جنوبی لبنان میں قابض اسرائیل کے ڈرون حملے میں ایک گاڑی کو نشانہ بنایا گیا جس کے نتیجے میں دو افراد شہید ہو گئے۔ یہ کارروائی جنگ بندی معاہدے کی ایک اور صریح خلاف ورزی ہے۔
لبنان کی قومی خبر رساں ایجنسی کے مطابق قابض اسرائیلی دشمن نے ایک ڈرون کے ذریعے عین المزراب روڈ پر واقع ایک گاڑی پر فضائی حملہ کیا۔ یہ مقام بلدہ خربہ سلم اور بلدہ الجمیجمہ کے درمیان بنت جبیل کے علاقے میں واقع ہے۔
لبنانی وزارت صحت نے تصدیق کی ہے کہ اس بمباری کے نتیجے میں دو افراد شہید ہوئے ہیں۔
قابض اسرائیلی فورسز جنگ بندی معاہدے کو روندتے ہوئے لبنان میں تقریباً روزانہ کی بنیاد پر فضائی حملے اور ٹارگٹ کلنگ کی کارروائیاں جاری رکھے ہوئے ہیں حالانکہ حزب اللہ کے ساتھ جنگ بندی معاہدے کو کئی ماہ گزر چکے ہیں۔
