الخلیل، انتہاء پسند یہودی جتھوں کا فلسطینی کالونی پر دھاوا

مغربی کنارے کے سب سے بڑے ضلع الخلیل میں متشدد یہودی جتھوں نے شہر کے شمالی علاقے ’’بیت امر‘‘ پر حملہ کردیا۔ اس موقع پر اسرائیلی فوج نے سارے علاقے کو گھیرے میں لیے رکھا۔ انتہاء پسندوں نے فلسطینیوں کے گھروں میں زبردست توڑ پھوڑ کی۔ مقامی ذرائع کے مطابق اسرائیلی فوج نے علاقے کو چاروں اطراف سے گھیرا اور یہودی بستیوں سے آئے مسلح انتہا پسندوں نے کالونی پر دھاوا بول کر گھروں میں توڑ پھوڑ کی اور گلیوں میں دندناتے رہے۔ عینی شاہدین کے مطابق حملہ آوروں کا مقصد کالونی میں قتل عام کرنا تھا تاہم اہل علاقہ کی جانب سے جوابی کارروائی کی تیاریوں کے مد نظر غاصبوں نے فرار ہونے میں غنیمت سمجھی۔