اسرائیلی فوج نے فلسطینی خیموں کو 37 ویں مرتبہ اکھیڑ دیا

قابض اسرائیلی فوج نے النقب میں فلسطینیوں کے آٹھ گھروں کو مسمار کردیا جبکہ النقب کے طویل ابو جرول گاؤں میں قائم خیموں کو 37 ویں مرتبہ اکھیڑ دیا – واضح رہے کہ اسرائیلی فوج خیمے اکھیڑ دیتی ہے جبکہ فلسطینی شہری دوبارہ خیمے لگا لیتے ہیں- طویل ابو جرول کے رہائشی محمد مظعان طلالقہ نے کہاہے کہ ان کے خیموں کو 37 ویں مرتبہ اکھیڑا گیا ہے- انہوں نے کہا کہ ان کے خیموں کو اگر ہزار مرتبہ بھی اکھیڑا جائے تب بھی وہ اپنی سرزمین نہیں چھوڑیں گے – اسرائیلی فوج خیموں اور گھروں کو مسمارکرتی جائے گی وہ ان کی تعمیر کرتے جائیں گے – انہوں نے کہا کہ وہ مسمار کی کسی کارروائی کے سامنے نہیں جھکیں گے- اسرائیلی فوج نے انہیں بارش اور سردی کی حالت میں کھلے آسمان تلے چھوڑ دیا-